جمرود – 23 مئي (اي پي پي) وزيراعظم شاهد خاقان عباسي چيو آهي ته مسلم ليگ (ن) جي حڪومت جو واحد دور آهي جنهن ۾ ترقياتي منصوبا شروع ۽ مڪمل ٿيا، اسان صرف واعدا نٿا ڪريون پر ڪم ڪندا آهيون، فاٽا کي ضم ڪرڻ جي حوالي سان اهڙو حل چاهيون ٿا جنهن جو فائدو هتي جي عوام ۽ پاڪستان کي ٿئي ۽ هي هڪ عمل جي ذريعي مڪمل ٿيندو، پاڪستان ۾ جمهوري عمل جو تسلسل جاري رهندو ته ملڪ ترقي ڪندو، چونڊن ۾ عوام جي ووٽ سان جيڪو فيصلو ايندو اهو پاڪستان جي حق ۾ هوندو، ترقي جو سفر جاري رکنداسين، هو 132 ڪي وي گرڊ اسٽيشن جي افتتاح کانپوءِ عوامي ميڙ کي خطاب ڪري رهيو هو.
