اسلام آباد – 22 مئي (اي پي پي) وفاقي ڪابينا فاٽا کي خيبرپختونخوا ۾ ضم ڪرڻ لاءِ آئيني ترميم جو مسودو پارليامينٽ ۾ پيش ڪرڻ جي منظوري ڏئي ڇڏي آهي، وفاقي ڪابينا جو اجلاس وزيراعظم شاهد خاقان عباسي جي صدارت ۾ وزيراعظم آفيس ۾ منعقد ٿيو جنهن ۾ فاٽا کي خيبرپختونخوا ۾ ضم ڪرڻ لاءِ آئيني ترميم جو مسودو پارليامينٽ آڏو پيش ڪرڻ جي منظوري ڏني وئي، ڪابينا کي ٻڌايو ويو ته گلگت بلتستان ڪائونسل کي وفاقي حڪومت جي معاملن جي حوالي سان مشاورتي باڊي طور برقرار رکيو ويندو.
