اسلام آباد – 30 آڪٽوبر (اي پي پي) ناڻي واري وفاقي وزير سينيٽر اسحاق ڊار فيڊرل بورڊ آف روينيو کي هدايت ڪئي آهي ته ٽيڪس ريٽرن جمع ڪرائڻ ۾ ٽيڪس باقيدارن کي درپيش مشڪلاتن جي حل لاءِ قدم کنيا وڃن. هو آڪٽوبر 2016ع دوران ايف بي آر جي ڪارڪردگي ۽ اوڳاڙين تي اڳڀرائي جي جائزي جي حوالي سان اجلاس جي صدارت ڪري رهيو هو. ايف بي آر چيئرمين نثار محمد خان ناڻي واري وزير کي ماهوار اوڳاڙيون وصول ڪرڻ جي حوالي سان تازي صورتحال کان آگاهه ڪيو. هن ناڻي واري وزير کي ٽيڪس باقيدارن پاران ٽيڪس گوشوارا جمع ڪرائڻ جي حوالي سان اڳڀرائي کان پڻ آگاهه ڪيو.
