حڪومت ۽ مخالف ڌر وچ ۾ ڳالهين دوران حڪومتي ميمبرن سندس چيمبر ۾ ۽ مخالف ڌر ميمبر ڀرواري ڪمري ۾ موجود هئا: سردار اياز صادق

اسلام آباد-14 آڪٽوبر (اي پي پي) قومي اسيمبلي جي اسپيڪر سردار اياز صادق اربع ڏينهن اسيمبلي اجلاس دوران بئريسٽر گوهر کي مخاطب ٿيندي چيو ته حڪومت ۽ مخالف ڌر وچ ۾ ڳالهين دوران حڪومتي ميمبر سندس چيمبر ۾ جڏهن ته مخالف ڌر جا ميمبر ڀرواري ڪمري ۾ موجود هئا، ان وقت اميد هئي ته جلد معاهدي تي صحيحون ٿي وينديون ۽ معاملا بهتري طرف وڌندا. اسپيڪر  چيو ته سڀ کان پهرين سينيٽ ۾ مخالف ڌر اڳواڻ علامه ناصر عباس سندس وٽ آيو ۽ افسوس جو اظهار ڪندي ٻڌايو ته اڄ ڪو به معاهدو نه ٿي سگهيو، ان موقعي تي هن واضح ڪيو ته ڳالهين جو رستو بند نه ٿيڻ گهرجي پر ڳالهين تي عمل کي جاري رهڻ گهرجي. اسپيڪر وڌيڪ چيو ته مخالف ڌر جي ڳالهين واري ڪميٽي جا ميمبر اتان کان هليا ويا جڏهن ته بعد ۾ بئريسٽر گوهر ٻيهر واپس آيو ۽ هن به ان موقف جو اظهار ڪيو ته ڳالهين وارو عمل جاري رهڻ گهرجي. هن چيو ته حڪومتي ڳالهين واري ٽيم جي به اها ئي راءِ هئي ته ڳالهين جو سلسلو اڳتي وڌايو وڃي. اسپيڪر چيو ته توهان ان مينڊيٽ سان آيا هئا ته فيصلو پاڻ ڪنداسين جڏهن ته مشاورت کانپوءِ اوهان ان جا پابند رهجي ويا هئا، هن زور ڀريو ته ان معاملي تي گهٽ ۾ گهٽ ڳالهه ڪئي وڃي جڏهن ته ايوان ۾ اها ئي ڳالهه ڪرڻ گهرجي جيڪا درست هجي.