نائب وزيراعظم ۽ پرڏيهي وزير سينيٽر محمد اسحاق ڊار جي گڏيل قومن جي جنرل اسيمبلي جي اجلاس جي صدر ڊاڪٽر خليل الرحمان سان ملاقات

نيويارڪ – 25 سيپٽمبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار نيويارڪ ۾ گڏيل قومن جي جنرل اسيمبلي جي 81هين اجلاس جي موقعي تي اجلاس جي صدر ڊاڪٽر خليل الرحمان سان ملاقات ڪئي ۽ جنرل اسيمبلي جي صدر جو عهدو سنڀالڻ تي مبارڪباد ڏني. جمعي ڏينهن پرڏيهي آفيس پاران جاري ڪيل بيان موجب، نائب وزيراعظم ڊاڪٽر خليل الرحمان کي پاڪستان جي حمايت ۽ لاڀائتي تعاون جو خاطري ڪرائي. ٻنهي اڳواڻن گهڻ طرفي نظام ۽ گڏيل قومن جي مرڪزي ڪردار لاءِ پاڪستان جي عزم کي ورجايو ۽ گڏيل دلچسپي جي معاملن تي خيالن جي ڏي وٺ ڪئي. نائب وزيراعظم جنرل اسيمبلي جي صدر جي قيادت تي اعتماد جو اظهار ڪيو ۽ اداري جي ڪم کي اڳتي وڌائڻ ۾ پاڪستان جي مسلسل شموليت جي خاطري ڪرائي.