پرائيويٽ حج اسڪيم جي رجسٽريشن ۽ بڪنگ جو عمل پاڪ حج ايپ ۽ حج پورٽل ذريعي 20 نومبر تائين جاري رهندو: مذهبي معاملن واري وزارت جو ترجمان

اسلام آباد-11 سيپٽمبر (اي پي پي) پرائيويٽ حج اسڪيم جي رجسٽريشن ۽ بڪنگ جو عمل پاڪ حج ايپ ۽ حج پورٽل ذريعي 20 نومبر تائين جاري رهندو. جمعي ڏينهن مذهبي معاملن واري وزارت جي ترجمان موجب پرائيويٽ اسڪيم تحت حج پانڌئيڙن جي آساني لاءِ ٽن قسطن جي سهولت ڏني وئي آهي. ادائيگي صرف پاڪ حج ايپ ۽ حج پورٽل ذريعي ئي ممڪن آهي. ڪنهن شخص يا ڪمپني کي سڌي ريت ادائيگي جي منع آهي ٻي صورت ۾ نقصان جو ذميوار وزارت نه هوندي.