بيجنگ- 11 سيپٽمبر (اي پي پي)بيجنگ ۾ پاڪستاني سفارتخاني ۾ ”هڙاپه ۽ موهن جودڙو مان مليل قديم مهرن جي رسم الخط جي علامتن جو مطالعو، سنڌ وادي جي رسم الخط جي ماخذ جي ڳولا“ جي انگريزي ايڊيشن جي افتتاحي تقريب ٿي، جنهن ۾ تعليم کاتي جي مختلف ماهرن، تحقيق ڪندڙن، ميڊيا جي نمائندن ۽ ٻين مهمانن شرڪت ڪئي. انر منگوليا هونڊر ڪاليج آف آرٽس اينڊ سائنسز جي صدر پروفيسر زويوشو …
بيجنگ ۾ پاڪستاني سفارتخاني ۾ سنڌ واديءَ جي قديم مهرن جي رسم الخط تحقيق جي افتتاحي تقريب، ماهرن پاران شرڪت
بيجنگ- 11 سيپٽمبر (اي پي پي)بيجنگ ۾ پاڪستاني سفارتخاني ۾ ”هڙاپه ۽ موهن جودڙو مان مليل قديم مهرن جي رسم الخط جي علامتن جو مطالعو، سنڌ وادي جي رسم الخط جي ماخذ جي ڳولا“ جي انگريزي ايڊيشن جي افتتاحي تقريب ٿي، جنهن ۾ تعليم کاتي جي مختلف ماهرن، تحقيق ڪندڙن، ميڊيا جي نمائندن ۽ ٻين مهمانن شرڪت ڪئي. انر منگوليا هونڊر ڪاليج آف آرٽس اينڊ سائنسز جي صدر پروفيسر زويوشو ۽ سندس ٽيم پاران لکيل ان مطالعي ۾ هڙاپه ۽ موهن جودڙو مان دريافت ٿيل 401 مڪمل مهرن جو جائزو ورتو ويو ۽ 132 انفرادي علامتن جي تشريح پيش ڪئي وئي. اها تحقيق انهن علامتن جي ڀيٽ تاريخ کان اڳ جي چين خاص طور تي هونگ شان ثقافتي خطي سان لاڳاپيل ڪتابن، تصويرن ۽ ثقافتي روايتن سان ڪري ٿي ۽ موجوده پاڪستان ۽ چين جي خطن جي قديم تهذيبن وچ ۾ امڪاني رابطن جو جائزو وٺي ٿي. پاڪستان جي سفير خليل هاشمي شرڪت ڪندڙن جي آجيان ڪئي. هن پروفيسر زو، سندس تحقيقي ٽيم، ترجمو ڪندڙن ۽ انر منگوليا هونڊر ڪاليج آف آرٽس اينڊ سائنسز کي ان اشاعت ۾ سندن ڪردار تي مبارڪون پيش ڪيون. هن ان مطالعي کي ٻنهي قديم تهذيبن وچ ۾ امڪاني تاريخي ۽ ثقافتي رابطن تي تحقيق ۾ اهم اڳڀرائي قرار ڏنو. اها تحقيق هاڻي انگريزي ۾ دستياب آهي ۽ ان جو اردو ترجمو به تيار ڪيو ويو آهي ته جيئن ان کي پاڪستاني عوام جي هڪ وسيع حلقي تائين پهچائي سگهجي.
