اسلام آباد-09 سيپٽمبر (اي پي پي) رٿابندي، ترقي ۽ خصوصي قدمن واري وفاقي وزير پروفيسر احسن اقبال سان برطانوي هاءِ ڪميشن جي ڊولپمينٽ ڊائريڪٽر سيم والڊاڪ، ملاقات ڪئي، جنهن ۾ پاڪستان جي ترقياتي ترجيحن، ادارا جاتي سڌارن ۽ ٻطرفي تعاون تي خيالن جي ڏي وٺ ڪئي وئي. وفاقي وزير 18هين آئيني ترميم کانپوءِ مقامي حڪمراني جي طرز کي وڌيڪ مضبوط بڻائڻ ۽ ضلعن کي وسيلن ۽ اختيارن جي منتقلي ۾ …
وفاقي وزير احسن اقبال سان برطانوي هاءِ ڪميشن جي ڊولپمينٽ ڊائريڪٽر جي ملاقات
اسلام آباد-09 سيپٽمبر (اي پي پي) رٿابندي، ترقي ۽ خصوصي قدمن واري وفاقي وزير پروفيسر احسن اقبال سان برطانوي هاءِ ڪميشن جي ڊولپمينٽ ڊائريڪٽر سيم والڊاڪ، ملاقات ڪئي، جنهن ۾ پاڪستان جي ترقياتي ترجيحن، ادارا جاتي سڌارن ۽ ٻطرفي تعاون تي خيالن جي ڏي وٺ ڪئي وئي. وفاقي وزير 18هين آئيني ترميم کانپوءِ مقامي حڪمراني جي طرز کي وڌيڪ مضبوط بڻائڻ ۽ ضلعن کي وسيلن ۽ اختيارن جي منتقلي ۾ اضافو ڪرڻ جي ضرورت تي زور ڀريو. هن حڪومت جي اڏام پاڪستان پروگرام تحت فائيو ايز فريم ورڪ کي اجاگر ڪندي برطانيه کان روانگي واپار، موسمياتي لچڪ، انساني ترقي ۽ سول سروس سڌارن سان لاڳاپيل قدمن ۾ تعاون جاري رکڻ جي درخواست ڪئي. احسن اقبال، آبادي جي منصوبابندي، وسيلن جي منصفاڻي ورڇ ۽ شروعاتي ننڍپڻ جي واڌ ويجهه سان لاڳاپيل قدمن جي اهميت تي به زور ڀريو. هن غذائيت، صفائي سٿرائي ۽ پيئڻ جي صاف پاڻي سان لاڳاپيل آگاهي مهمن جي ضرورت کي به اجاگر ڪيو. برطانوي هاءِ ڪميشن جي ڊولپمينٽ ڊائريڪٽر سيم والڊاڪ، پاڪستان جي ترقياتي ترجيحن ۾ تعاون لاءِ برطانيه جي عزم جو ورجاءُ ڪيو. هن خاص طور موسمياتي لچڪ، قدرتي آفتن کي منهن ڏيڻ جي تياري ۽ موسمياتي تبديلي جي اثرن سان هڪجهڙائپ پيدا ڪرڻ جي شعبن ۾ تعاون جاري رکڻ تي راضپو ظاهر ڪيو.
