قومي اسيمبلي جي اسپيڪر پاران اتر وزيرستان ۾ 15 خوارجين کي جهنم ڀيڙو ڪرڻ تي سيڪيورٽي فورسز کي خراج تحسين پيش

اسلام آباد- 03 سيپٽمبر(اي پي پي) قومي اسيمبلي جي اسپيڪر سردار اياز صادق اتر وزيرستان ۾ 15 خوارجين کي جهنم ڀيڙو ڪرڻ تي سيڪيورٽي فورسز کي خراج تحسين پيش ڪندي چيو آهي ته قوم پنهنجي بهادر پٽن کي انهن جي جرئت ۽ بهادري تي سلام پيش ڪري ٿي.خميس ڏينهن جاري ڪيل پيغام ۾ هن سيڪيورٽي فورسز جي پيشيوراڻي مهارت ۽ صلاحيتن جي تعريف ڪندي چيو ته دهشتگردي جي خاتمي لاءِ سيڪيورٽي فورسز جو اڻٽر عزم تعريف جوڳو آهي. هن چيو ته دهشتگردي خلاف جنگ ۾ پوري قوم سيڪورٽي فورسز سان ڪلهو ڪلهي ۾ ملائي بيٺل آهي ۽ آخري دهشتگرد جي خاتمي تائين جنگ جاري رهندي.