واپاري نمائش فوڊ آفريقا قائره 2026ع ۾ شرڪت لاءِ درخواستون 6 سيپٽمبر تائين جمع ڪرائي سگهجن ٿيون: ٽي ڊي اي پي

اسلام آباد- 02 سيپٽمبر (اي پي پي) ٽريڊ ڊويلپمنٽ اٿارٽي پاڪستان (ٽي ڊي اي پي) چيو آهي ته مصر ۾ ٿيندڙ عالمي واپاري نمائش فوڊ آفريقا قائره 2026ع ۾ شرڪت لاءِ درخواستون 6 سيپٽمبر تائين جمع ڪرائي سگهجن ٿيون. ٽي ڊي اي پي موجب نماش مصر جي عالمي نمائشي مرڪز ۾ 7 کان 10 ڊسمبر تائين منعقد ڪئي ويندي جنهن ۾ ايگرو ۽ فوڊ پراڊڪٽس سان لاڳاپيل ماڻهو ۽ ادارا پنهنجون مصنوعات عالمي خريدارن سامهون پيش ڪرڻ سان گڏوگڏ واپاري معاملا پڻ طئي ڪري سگهندا. نمائش جي حوالي سان وڌيڪ تفصيل اٿارٽي جي ويب سائيٽ تان حاصل ڪري سگهجن ٿا.