اسلام آباد - 29 آگسٽ (اي پي پي) آمريڪا ۾ مقرر پاڪستان جي سفير رضوان سعيد شيخ چيو آهي، ته ڀارت جو اپريل 2025ع وارو هڪ طرفو اعلان سنڌ طاس معاهدو (آءِ ڊبليو ٽي) جي قانوني حيثيت کي تبديل نٿو ڪري سگهي ۽ نه ئي ان تحت پيدا ٿيندڙ حقن ۽ ذميوارين کي ختم ڪري سگهي ٿو، معاهدو هاڻي به عمل جوڳو آهي. نيوز ويڪ ۾ شايع ٿيل هڪ مضمون …
ڀارت جو ڪو به هڪ طرفو قدم سنڌ طاس معاهدي کي تبديل نٿو ڪري سگهي: رضوان سعيد شيخ
مزید خبریں
اسلام آباد – 29 آگسٽ (اي پي پي) آمريڪا ۾ مقرر پاڪستان جي سفير رضوان سعيد شيخ چيو آهي، ته ڀارت جو اپريل 2025ع وارو هڪ طرفو اعلان سنڌ طاس معاهدو (آءِ ڊبليو ٽي) جي قانوني حيثيت کي تبديل نٿو ڪري سگهي ۽ نه ئي ان تحت پيدا ٿيندڙ حقن ۽ ذميوارين کي ختم ڪري سگهي ٿو، معاهدو هاڻي به عمل جوڳو آهي. نيوز ويڪ ۾ شايع ٿيل هڪ مضمون ۾ رضوان سعيد شيخ لکيو ته ڇهه ڏهاڪن کان وڌيڪ عرصي کان سنڌ طاس معاهدو دنيا جي سڀ کان اهم دريائي نظامن مان هڪ جي انتظام لاءِ اصول تي ٻڌل فريم ورڪ فراهم ڪيو آهي. ان جي لچڪ سياسي خيرسگالي نه پر ان حقيقت تي آهي ته معاهدو تڪرارن جي حل لاءِ هڪ طرفه صوابديد کي پابند اصولن ۽ طريقيڪار سان مٽايو ويو آهي. هن چيو ته ڀارتي قدم آزمائشي پاڻي جي معاهدي کي ڪمزور ڪرڻ لاءِ آهن جن جو مقصد سرحدي درياهن کي هٿيار بڻائڻ آهي. اهي قدم نه صرف عالمي اصولن جي ابتڙ آهن پر پهرين کان ئي غير مستحڪم خطي م امن ۽ استحڪام لاءِ به سنگين خطرو آهن. پاڪستاني سفير چيو ته آءِ ڊبليو ٽي هڪ پابند عالمي معاهدو آهي جيڪو 19 سيپٽمبر 1960ع تي عالمي بئنڪ طرفان ڪيترن ئي ڏهاڪن تائين جاري رهندڙ ڳالهين کان پوءِ طئي ٿيو. پاڪستاني سفير چيو ته اها دعويٰ به اوتري ئي غلط آهي ته پاڪستان ڀارت جي هائيڊرو پاور جي ترقي ۾رڪاوٽ وجهڻ جي ڪوشش ڪئي آهي، معاهدو ڀارت کي اولهه درياهن تي رن آف ريور هائيڊرو اليڪٽرڪ پلانٽس جي تعمير جي اجازت ڏئي ٿو. جيڪي معاهدي جي طي ٿيل ڊزائين ۽ آپريشنل معيارن تحت هجن. هن چيو ته ٽياڪڙي عدالت معاهدي جي جاري رهڻ ۽ عملدرآمد ۽ انهن جي خدشن جي پابند نوعيت جي توثيق ڪئي آهي. ان جي ايوارڊز جنهن ۾ مئي 2026ع جو ضمني ايوارڊ، ان اصول کي تقويت ڏين ٿا ته اولهندي درياهن تي پن بجلي جي منصوبن کي سنڌ طاس معاهدي جي مقرره حدن مطابق هئڻ گهرجي. ڪو به غير لاڳاپيل سياسي يا سيڪيورٽي الزام هڪ پابند عالمي معاهدي تحت ذميوارين کي ڪنهن به حالت ۾ معاف نه ڪري سگهندو. هن زور ڀريو ته دهشتگردي جا بي بنياد الزام يا ٻيا ٻه طرفه تڪرار سنڌ طاس معاهدي کي معطل ڪرڻ، نظر انداز ڪرڻ يا ٻيهر لکڻ وارو هڪ طرفو حق پيدا نٿا ڪري سگهن. هن چيو ته پاڪستان سنڌ طاس معاهدي جي روح مطابق عملدرآمد لاءِ پرعزم آهي، ڀارت کي پنهنجي هڪ طرفه قدمن کي رد ڪرڻ گهرجي، پنهنجي معاهدي جي ذميوارين جي مڪمل تعميل طرف واپس اچڻ گهرجي ۽ معاهدي تحت قائم اداره جاتي ۽ تڪرارن جي حل جي طريقيڪار ذريعي ڪم ڪرڻ گهرجي.
