ڪولمبيا ۾ زلزلي سبب فوتگين جو انگ وڌي 132 ٿي ويو

بگوٽا- 11 آگسٽ (اي پي پي) ڪولمبيا ۾ 10 آگسٽ تي 7.4 جي شديد زلزلي سبب فوتگين جو انگ وڌي 132 ٿي ويو، جڏهن ته 570 کان وڌيڪ ماڻهو زخمي ٿي پيا. پرڏيهي مقامي بلو ريڊيو جي حوالي سان ٻڌايو ته ملڪ جي 32 شهرن ۾ خطري جي ريڊ ليول وارننگ جاري ڪئي وئي آهي،  جيڪا انهن علائقن ۾ قدرتي آفتن سبب وڏي پيماني تي ٿيندڙ نقصانن جي نشاندهي ڪري ٿي.  ان کان اڳ ڪولمبيا جي جيولوجيڪل سروس ٻڌايو هو ته 10 آگسٽ تي اولهه ڪولمبيا ۾ 7.4 شدت جو زلزلو آيو، جيڪو گذريل هڪ ڏهاڪي دوران ملڪ ۾ آيل سڀ کان طاقتور زلزلو هو.  جيولاجيڪل سروس مطابق زلزلي جو مرڪز سان هوزي ڊيل پالمر ۾ رڪارڊ ڪيو ويو. ان کان اڳ صدر ابيلار دودي لا ايسپريئيا ٻڌايو ته سڀ کان وڌيڪ نقصان پيريرا ۽ مانيسيلس شهرن ۾ ٿيو.