ميجر طفيل محمد شهيد جي 68 هين يوم شهادت تي هٿياربند فوج جي سربراهن پاران خراج عقيدت

راولپنڊي- 08 آگسٽ (اي پي پي) چيف آف آرمي اسٽاف ۽ چيف آف ڊفينس فورسز فيلڊ مارشل سيد عاصم منير نشان امتياز (ايم)، هلال جرئت، چيف آف دي نيول اسٽاف ايڊمرل نويد اشرف، نشان امتياز (ايم)، تمغه بصالت ۽ پاڪ فضائيه جي سربراهه ايئر چيف مارشل ظهير احمد بابر سڌو نشان امتياز (ايم)، هلال جرئت، ميجر طفيل محمد شهيد جي 68 هين يوم شهادت تي خراج عقيدت پيش ڪندي سندس غير معمولي بهادري ۽ پختي عزم جو مظاهرو ڪندي دشمن جي فوج خلاف هڪ جرئتمنداڻي حملي ۾ پنهنجي فوجين جي قيادت ڪئي. شديد زخمي ٿيڻ باوجود هن پنهنجي مشن کي ڪاميابي سان مڪمل ڪرڻ کي يقيني بڻائيندي بي مثال همٿ ۽ ثابت قدمي سان دشمن جو مقابلو ڪيو. آءِ ايس پي آر طرفان جاري ڪيل هڪ بيان ۾ چيو ويو آهي ته ميجر طفيل محمد شهيد جي بهادري ۽ عظيم قرباني جي اعتراف ۾ کيس نشان حيدر جي اعزاز سان نوازيو ويو جيڪو پاڪستان جو سڀ کان وڏو فوجي اعزاز آهي ۽ بهادري جي حتمي علامت آهي. ان موقعي تي پاڪستان جي عوام ۽ هٿياربند فوج، ميجر طفيل محمد شهيد ۽ مادر وطن جي دفاع ۾ پنهنجي جانين جو نذرانو پيش ڪندڙ سمورن شهيدن کي خراج عقيدت پيش ڪيو. سندن جرئت ۽ حب الوطني جي وراثت نسلن کي متاثر ڪري ٿي ۽ قوم جي سمورن محافظن لاءِ هڪ مينار بڻجي بيٺل آهي.