اسلام آباد-06 آگسٽ (اي پي پي) قومي اسيمبليءَ جي اسپيڪر سردار اياز صادق سان پارليامينٽ هائوس ۾ ڊجيٽل بلوچستان اي آءِ لانچ پيڊ بوٽ ڪيمپ ۾ شرڪت ڪندڙ شاگردن خميس ڏينهن ملاقات ڪئي. ان موقعي تي اسپيڪر شاگردن سان ڳالهائيندي چيو ته بلوچستان جي شاگردن کي قومي اسيمبليءَ ۾ انٽرنشپ جا وڌيڪ موقعا ترجيحي بنيادن تي فراهم ڪيا ويندا. قومي اسيمبليءَ ۾ 21 يونيورسٽين جي شاگردن لاءِ انٽرنشپ ۽ تربيتي …
ڪاميابيءَ لاءِ تعليم، مطالعو ۽ مسلسل سکڻ جو عمل اڻٽر آهي: سردار اياز صادق
مزید خبریں
اسلام آباد-06 آگسٽ (اي پي پي) قومي اسيمبليءَ جي اسپيڪر سردار اياز صادق سان پارليامينٽ هائوس ۾ ڊجيٽل بلوچستان اي آءِ لانچ پيڊ بوٽ ڪيمپ ۾ شرڪت ڪندڙ شاگردن خميس ڏينهن ملاقات ڪئي. ان موقعي تي اسپيڪر شاگردن سان ڳالهائيندي چيو ته بلوچستان جي شاگردن کي قومي اسيمبليءَ ۾ انٽرنشپ جا وڌيڪ موقعا ترجيحي بنيادن تي فراهم ڪيا ويندا. قومي اسيمبليءَ ۾ 21 يونيورسٽين جي شاگردن لاءِ انٽرنشپ ۽ تربيتي پروگرام جاري آهن. بلوچستان پاڪستان جو انتهائي اهم صوبو آهي، ريڪوڊڪ صوبي جي تقدير بدلائڻ جي صلاحيت رکي ٿو. بلوچستان منهنجي پهرين ترجيح ۾ شامل آهي. هن چيو ته ڪاميابي لاءِ تعليم، مطالعو ۽ مسلسل سکڻ جو عمل اڻٽر آهي. آئينِ پاڪستان ۽ قاعدن ضابطن جو مطالعو، پارلياماني معاملن جي بهتر سمجهه پيدا ڪري ٿو، قومي اسيمبليءَ ۾ نوڪرين لاءِ سمورن صوبن جي ڪوٽا مقرر آهي، خاص ڪري اهل ماڻهن ۽ عورتن کي قومي اسيمبليءَ ۾ وڌيڪ موقعا فراهم ڪيا ويا آهن. روزگار ۾ عورتن جي نمائندگي 30 سيڪڙو تائين وڌائڻ لاءِ عملي قدم کنيا پيا وڃن. هن چيو ته نوجوانن کي برابريءَ جا موقعا فراهم ڪرڻ قومي ترقيءَ لاءِ اڻٽر آهي. قومي اسيمبليءَ ۾ ملڪ جو پهريون اي آءِ فعال پارلياماني نظام متعارف ڪرايو ويو آهي. قومي اسيمبليءَ جي پارلياماني معاملن کي مصنوعي ذهانت ۽ جديد ڊجيٽل ٽيڪنالاجي سان هم آهنگ ڪيو پيو وڃي. ڊجيٽلائزيشن ذريعي ايجنڊا بلز، رپورٽس ۽ پارلياماني دستاويزن جي اليڪٽرانڪ فراهمي يقيني بڻائي پئي وڃي. ڊجيٽل ٽيبليٽس جي استعمال سان قومي اسيمبلي ڪاغذ جي استعمال کان پاڪ پارلياماني نظام طرف گامزن آهي. اسپيڪر چيو ته اي آءِ پارلياماني تحقيق، قانونسازي ۽ انتظامي معاملن جي ڪارڪردگي بهتر بنائڻ ۾ معاون ثابت ٿي رهي آهي. مصنوعي ذهانت انساني ذهانت جو متبادل ناهي پر ان جي معاونت ٽيڪنالاجي آهي.
