آزاد ڄمون ڪشمير ۾ چونڊون 2026ع منعقد ڪرڻ جو عمل مرحلي وار ڪاميابي سان جاري

مظفر آباد/ اسلام آباد – 01 آگسٽ (اي پي پي) آزاد ڄمون ڪشمير ۾ ٻئين مرحلي جي مظفر آباد ۾ چونڊن جي پولنگ (اڄ) 2 آگسٽ تي ٿيندي. مظفر آباد ڊويزن جي عام چونڊ تڪن سان مهاجرن جي 12 سيٽن تي به پولنگ 2 آگسٽ تي ٿيندي. ڪالعدم اليڪشن ڪميٽي جي ڪور ميمبر راجا سعيد امجد مظفر آباد ڊويزن جي عوام کي اليڪشن عمل ۾ ڀرپور حصو وٺڻ جي اپيل ڪئي آهي. هن پنهنجي ويڊيو پيغام ۾ چيو ته مظفرآباد جو عوام 2 آگسٽ تي پولنگ ۾ ڀرپور حصو وٺي جمهوري عمل جو حصو بڻجن. هن چيو ته ميرپور ڊويزن وانگر مظفرآباد ڊويزن جو عوام به پنهنجن نمائندن کي ووٽ ڏئي چونڊن. آزاد ڄمون ڪشمير جي چونڊن جي پهرين مرحلي ۾ عوام جي ڀرپور شرڪت ان ڳالهه جي عڪاس آهي ته باشعور ڪشميري جمهوري عمل تي يقين رکن ٿا.