اٽلي ۾ 4.7 شدت جو زلزلو، بجلي، ٽرين ۽ ميٽرو سروسز متاثر، ڪيترن ئي عمارتن کي نقصان پهتو

روم – 01 آگسٽ (اي پي پي) اٽلي جي ڏکڻ واري شهر نيپلز جي اولهه ۾ واقع ڪيمپي فليگري جي علائقي ۾ 4.7 شدت جو زلزلو رڪارڊ ڪيو ويو، جنهن سبب بجلي جي فراهمي معطل ٿي وئي، ٽرين ميٽرو سروسز متاثر ٿيون جڏهن ته ڪيترن ئي عمارتن کي به نقصان پهتو. پرڏيهي ميڊيا مطابق اٽلي جي ارضيات ۽ ٻرندڙ جبلن بابت قومي اداري ٻڌايو ته زلزلي جو مرڪز نيپلز جي اولهه ۾ واقع ڪيمپي فليگري جو علائقو هو، زلزلي جي اونهائي اٽڪل 3 ڪلوميٽر رڪارڊ ڪئي وئي.