لاڙڪاڻو-28 جولاءِ (اي پي پي) ڊپٽي ڪمشنر قمبر-شهدادڪوٽ ڪامران حسين مشتاق شيخ اڱاري ڏينهن سانوڻي جي برساتن جي موسم کي نظر ۾ رکندي بچاءَ بند تي هلندڙ حفاظتي قدمن جي صورتحال جو جائزو وٺڻ ۽ آبپاشي کاتي جي تيارين کي پرکڻ لاءِ ڪچي پل کان غيبي ديرو تائين فلڊ پروٽيڪشن (ايف پي) بند تي جاري ڪم جو تفصيلي معائنو ڪيو. معائني دوران ايگزيڪيوٽو انجنيئر آبپاشي گاج ڊويزن ۽ ٻيا لاڳاپيل عملدار موجود هئا. دوري دوران ڊپٽي ڪمشنر ٻوڏ کان بچاءَ جي ڪمن …
ڊپٽي ڪمشنر قمبر شهداد ڪوٽ پاران ڪچي پل کان غيبي ديرو تائين ايف پي بند جو دورو
مزید خبریں
لاڙڪاڻو-28 جولاءِ (اي پي پي) ڊپٽي ڪمشنر قمبر-شهدادڪوٽ ڪامران حسين مشتاق شيخ اڱاري ڏينهن سانوڻي جي برساتن جي موسم کي نظر ۾ رکندي بچاءَ بند تي هلندڙ حفاظتي قدمن جي صورتحال جو جائزو وٺڻ ۽ آبپاشي کاتي جي تيارين کي پرکڻ لاءِ ڪچي پل کان غيبي ديرو تائين فلڊ پروٽيڪشن (ايف پي) بند تي جاري ڪم جو تفصيلي معائنو ڪيو. معائني دوران ايگزيڪيوٽو انجنيئر آبپاشي گاج ڊويزن ۽ ٻيا لاڳاپيل عملدار موجود هئا. دوري دوران ڊپٽي ڪمشنر ٻوڏ کان بچاءَ جي ڪمن جي ترقي ۽ معيار جو جائزو ورتو ۽ حساس هنڌن کي مضبوط ڪرڻ لاءِ کنيل قدمن بابت تفصيلي بريفنگ حاصل ڪئي. ان موقعي تي ڊپٽي ڪمشنر آبپاشي کاتي ۽ ٻين لاڳاپيل عملدارن کي هدايت ڪئي ته هو مسلسل خبردار رهن، ٻوڏ کان بچاءَ جا سمورا ڪم وقت تي مڪمل ڪرڻ کي يقيني بڻائين ۽ ڪنهن به هنگامي صورتحال کي منهن ڏيڻ لاءِ سموري لازمي مشينري، سامان ۽ عملو پوري طرح تيار رکن.ڊپٽي ڪمشنر وڌيڪ چيو ته عوام جي جان، مال ۽ اهم بنيادي ڍانچي جي حفاظت ۾ ڪا به غفلت برداشت نه ڪئي ويندي. هن لاڳاپيل کاتن کي هدايت ڪئي ته سانوڻي جي برساتن جي پوري موسم دوران باقاعده نگراني ۽ پاڻ ۾ گڏيل رابطو قائم رکن. ضلعي انتظاميه قمبر-شهدادڪوٽ اڳواٽ تيارين کي يقيني بڻائڻ ۽ شهرين کي ٻوڏ جي امڪاني خطري کان محفوظ رکڻ لاءِ پوري طرح پرعزم آهي.
