ڪيپٽن محمد سرور شهيد نشان حيدر جي 78هين يوم شهادت جي موقعي تي قرآن خواني ۽ عالم سڳورن پاران خراج عقيدت پيش

اسلام آباد – 27 جولاءِ (اي پي پي) ڪيپٽن محمد سرور شهيد نشان حيدر جي 78هين يوم شهادت جي موقعي تي قرآن خواني ۽ عالم سڳورن پاران ان کي خراج عقيدت پيش ڪيو ويو. تفصيل موجب ڪيپٽن محمد سرور شهيد جي ورسي جي موقعي تي سڄي ملڪ جي مسجدن ۾ قرآن خواني ۽ پاڪستان جي شهيدن کي خراج عقيدت پيش ڪيو ويو. ان موقعي تي عالم سڳورن ڳالهائيندي چيو ته وطن جي دفاع ۾ جان جو نذرانو پيش ڪندڙ شهيد پوري قوم جو سرمايو آهن، جيڪي ماڻهو حق ۽ وطن جي دفاع لاءِ پنهنجون حياتيون قربان ڪن ٿا، انهن جون قربانيون فخر جو سبب آهن. هن چيو ته شهيدن جي قربانين کي ياد ڪرڻ نئين نسل ۾ حب الوطني، اتحاد، ايثار ۽ قومي ذميواري جو شعور اجاگر ڪرڻ جو ذريعو بڻجي ٿو، اسان کي پنهنجي قومي هيروز جي خدمتن کي اجاگر ڪرڻ گهرجي ته جيئن نوجوان انهن جي ڪردار، عزم ۽ قرباني مان رهنمائي حاصل ڪري سگهن، ڪيپٽن محمد سرور شهيد جي لازوال قرباني اڄ به قوم لاءِ حوصلي، وفاداري ۽ وطن سان محبت جي روشن علامت آهي.