وڏي وزير جي خاص معاون خير محمد شيخ ۽ ميئر لاڙڪاڻو پاران سرڪاري بوائز پرائمري اسڪول خير شاهه بخاري ۾ سولر سسٽم جو افتتاح

لاڙڪاڻو – 07 جولاءِ (اي پي پي) ايم پي اي لاڙڪاڻو جميل احمد سومرو جي هدايتن تي وزيراعليٰ سنڌ جي خاص معاون خير محمد شيخ ۽ ميئر لاڙڪاڻو ايڊووڪيٽ انور علي لهر سرڪاري بوائز پرائمري اسڪول خير شاهه بخاري دڙي محلي ۾ سولر سسٽم جو افتتاح ڪيو.ان موقعي تي خير محمد شيخ چيو ته تعليمي ادارن ۾ جديد سهولتون مهيا ڪرڻ سنڌ حڪومت جي ترجيحات ۾ شامل آهن.انور علي لهر چيو ته اسڪولن ۾ سولر سسٽم لڳائڻ سان شاگردن کي لوڊ شيڊنگ دوران به بنا رنڊڪ جي تعليمي ماحول ميسر ايندو.پاڪستان پيپلز پارٽي خاص طور تي تعليم جي شعبي ۾ ترقي ۽ سهولتن جي فراهمي لاءِ عملي قدمن تي يقين رکي ٿي.