سامونڊي طوفان ميساڪ جي شدت گهٽجي وئي، چين جي سانيا هوائي اڏي تان اڏامون بحال

بيجنگ- 04 جولاءِ اي پي پي) چين جي ڏکڻ صوبي هائنان ۾ واقعي سانيا فينڪس عالمي هوائي اڏي تان سامونڊي طوفان ميساڪ جي شدت گهٽ ٿيڻ کانپوءِ ڇنڇر جي صبح 6 وڳي کان اڏامون بحال ڪيون ويون. پرڏيهي ميڊيا مطابق هائنان صوبي جي موسميات کاتي مان جاري بيان ۾ چيو ويو آهي ته سال جو ڏهون سامونڊي طوفان ميساڪ جمعي جي شام اٽڪل 6 لڳي 20 منٽن تي لنگ شوئي لي ڪائونٽي جي علائقي ييلين ۾ سمنڊ ڪناري سان ٽڪرايو، جنهن کانپوءِ رات جي وقت هائنان ٻيٽ کي پار ڪندي اتر هيبو نار طرف وڌي ويو. هوائي اڏي تان پهرين اڏام ڇنڇر جي صبح جو روانو ٿي. موسميات کاتي ڇنڇر جي صبح 9 وڳي ليول ٿري جو طوفاني الرٽ برقرار رکيو. صبح 8 وڳي تائين ميساڪ طوفان ڏکڻ اولهه چين جي گوانگ شي زوانگ علائقي جي شهر ڊونگ شنگ کان اٽڪل 155 ڪلوميٽر ڏکڻ اوڀر ۾ موجود هو، جتي ان جي مرڪز ويجهو وڌ کان وڌ مسلسل هوائن جي رفتار 23 ڪلوميٽر في سيڪنڊ رڪارڊ ڪئي وئي. کاتي مطابق طوفان جي 10 کان 15 ڪلوميٽر في ڪلاڪ جي رفتار سان اتر اولهه طرف وڌڻ ۽ موجوده شدت برقرار رهڻ جو امڪان آهي.