آمريڪا ۽ ايران جي حملن بعد تيل جي قيمتن ۾ هڪ ڀيرو ٻيهر اضافو رڪارڊ

 نيويارڪ _29 جون (اي پي پي) آمريڪا ۽ ايران جي تازو هڪ ٻئي تي ٿيل حملن بعد سومر ڏينهن تيل جي قيمتن ۾ هڪ ڀيرو ٻيهر اضافو ڏسڻ ۾ آيو جڏهن ته آبناءِ هرمز ذريعي توانائي جي فراهمي جي رفتار ٻيهر سست ٿي وئي آهي. پرڏيهي ميڊيا مطابق برينٽ جي مستقبل جا سودا 58 سينٽ يعني 9.8 سيڪڙو جي اضافي سان 70.11 ڊالرز في بيرل ۽ ويسٽ ٽيڪساس انٽر ميڊئيٽ جا سودا 88 سينٽ يعني 1.3 سيڪڙو جي اضافي سان 70. 11 ڊالرز في بيرل ۾ طئي ٿيا. تجزيو ڪندڙن جو چوڻ آهي ته تيل جي مارڪيٽ کي اڃان به ڪافي خطرن کي منهن ڏيڻو پئجي رهيو آهي . آبناءِ هرمز ذريعي ڪچي تيل جي فراهمي ۾ اضافي بعد گذريل هفتي برينٽ جي ڪچي تيل جي قيمت ۾ 10.6 سيڪڙو جي گهٽتائي ٿي هئي ، ڪچي تيل جي قيمتن ۾ گهٽتائي جو اهو رجحان مسلسل هفتن کان جاري هو.