ڪراچي ۾ اسٽريٽ ڪرائيم ۾ ملوث 2 جوابدار گرفتار، هٿيار هٿ

ڪراچي-21 جون (اي پي پي) ڪراچي ۾ پُوليس اسٽريٽ ڪرائيم ۾ ملوث ٻن جوابدارن کي گرفتار ڪري هٿيار هٿ ڪري ورتا. سائيٽ سپرهاءِ وي نيو سبزي منڊي پوليس چوڪي اسٽريٽ ڪرائيمز ۾ ملوث 2 مبينه جوابدارن کي گرفتار ڪري سندن قبضي مان ايميونيشن سميت 2 عدد پستول هٿ ڪيا. ڇنڇر ڏينهن ضلعي اوڀر پوليس ترجمان موجب گرفتار جوابدارن ۾ ساجد ولد بادشاه خان ۽ حفيظ الله ولد لال سعيد شامل آهن. پوليس جوابدارن خلاف ڪيس داخل ڪري جاچ شروع ڪري ڏني آهي.