اسلام آباد - 02 جون (اي پي پي) وزيراعظم محمد شهباز شريف چيو آهي ته معيشت جي پائيدار ترقي جي لاءِ صنعت ۽ مهارت جو فروغ ۽ ٻاهرئين سيڙپڪاري ۾ اضافو لازمي آهي، صنعتي مصنوعات جي ملڪي پيداوار ۾ اضافي سان گڏوگڏ روانگي واپار وڌائڻ جي لاءِ موثر پاليسي قدم حڪومت جي پاليسي ترجيحن جو حصو آهن. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف …
معيشت جي پائيدار ترقي جي لاءِ صنعت ۽ مهارت جو فروغ ۽ ٻاهرئين سيڙپڪاري ۾ اضافو لازمي آهي: وزيراعظم محمد شهباز شريف
اسلام آباد – 02 جون (اي پي پي) وزيراعظم محمد شهباز شريف چيو آهي ته معيشت جي پائيدار ترقي جي لاءِ صنعت ۽ مهارت جو فروغ ۽ ٻاهرئين سيڙپڪاري ۾ اضافو لازمي آهي، صنعتي مصنوعات جي ملڪي پيداوار ۾ اضافي سان گڏوگڏ روانگي واپار وڌائڻ جي لاءِ موثر پاليسي قدم حڪومت جي پاليسي ترجيحن جو حصو آهن. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف جي صدارت ۾ سيڙپڪاري ۾ اضافي ۽ معيشت جي مجموعي ترقي جي لاءِ شعبه جاتي سڌارن ۽ پاليسي قدمن تي جائزه اجلاس ٿيو. اجلاس ۾ لاڳاپيل وزارتن پاران مختلف غور هيٺ پاليسي تجويزن تي بريفنگ ڏني وئي. وزيراعظم چيو ته ملڪي معيشت جي پائيدار ترقي جي لاءِ صنعت ۽ مهارت جو فروغ ۽ ٻاهرئين سيڙپڪاري ۾ اضافو لازمي آهي، صنعتي مصنوعات جي ملڪي پيداوار ۾ اضافي سان گڏوگڏ روانگي واپار وڌائڻ جي لاءِ موثر پاليسي قدم حڪومت جي پاليسي ترجيحن جو حصو آهن. وزيراعظم چيو ته صنعت ۽ واپار ۽ معيشت جي مختلف شعبن ۾ سڌارا ڊگهي مدي واري معاشي فائدي ۽ عوامي ڀلائي تي مرڪوز هجڻ گهرجي، مستقبل جي توانائي جي ضرورتن کي متبادل توانائي جي ذريعن سان پورو ڪرڻ جي لاءِ جامع حڪمت عملي تي ڀرپور انداز ۾ ڪم ٿي رهيو آهي. وزيراعظم چيو ته توانائي جي بچت ۽ سستي ٽرانسپورٽ جي ملڪي ضرورتن کي پورو ڪرڻ جي لاءِ جامع ۽ موثر اليڪٽرڪ وهيڪلز پاليسي وقت جي اهم ضرورت آهي، جديد ٽيڪنالاجي جي مختلف شعبن ۾ شموليت جي لاءِ سمورين وزارتن ۽ ماهرن جي بامعنى مشاورت کي يقيني بڻايو، موثر ترقياتي پاليسين جي جوڙجڪ ۽ لاڳو جي لاءِ سموريون وزارتون گڏيل تعاون ۽ هم آهنگي سان ڪم ڪن. وزيراعظم چيو ته سمورن سڌارن ۽ قدمن ۾ انتظامي شفافيت ۽ بهترين ڪارڪردگي حڪومت جي اولين ترجيح آهي. اجلاس ۾ نائب وزيراعظم ۽ پرڏيهي وزير سينيٽر محمد اسحاق ڊار، ناڻي واري وفاقي وزير محمد اورنگزيب، اقتصادي معاملن واري وفاقي وزير احد خان چيما، اطلاعات ۽ نشريات واري وفاقي وزير عطاءُ الله تارڙ، موسمياتي تبديلي واري وفاقي وزير مصدق ملڪ، پاور ڊويزن واري وفاقي وزير سردار اويس لغاري، پيٽروليم واري وفاقي وزير علي پرويز ملڪ، وزيراعظم جي صنعت ۽ پيداوار واري خاص معاون هارون اختر ۽ ايس آءِ اي ايف سي جي ڊائريڪٽر جنرل ميجر جنرل اسد الرحمان چيما ۽ لاڳاپيل ادارن جي عهديدارن شرڪت ڪئي.
