صدر پاران وفاقي شرعي عدالت جي وقتي چيف جسٽس جي مقرري جي منظوري

اسلام آباد – پهرين جون (اي پي پي) صدر آصف علي زرداري وفاقي شرعي عدالت جي وقتي چيف جسٽس جي مقرري جي منظوري ڏئي ڇڏي. ايوان صدر جي پريس ونگ پاران جاري بيان موجب صدر آصف علي زرداري جسٽس ڊاڪٽر سيد محمد انور کي وفاقي شرعي عدالت جو وقتي چيف جسٽس مقرر ڪرڻ جي منظوري ڏئي ڇڏي آهي. جسٽس ڊاڪٽر سيد محمد انور وفاقي شرعي عدالت جو سينيئر ترين جج آهي. صدر وزيراعظم جي ايڊوائيس تي وفاقي شرعي عدالت جي وقتي چيف جسٽس جي مقرري جي منظوري ڏني آهي.