نائب وزيراعظم ۽ پرڏيهي وزير سينيٽر محمد اسحاق ڊار سان يورپي يونين جي پرڏيهي معاملن ۽ سيڪيورٽي بابت اعليٰ نمائنده / يورپي ڪميشن جي نائب صدر ڪاجا ڪالس جي ملاقات

اسلام آباد- پهرين جون (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان يورپي يونين جي پرڏيهي معاملن ۽ سيڪيورٽي بابت اعليٰ نمائنده / يورپي ڪميشن جي نائب صدر ڪاجا ڪالس اسلام آباد ۾ ملاقات ڪئي. سومر تي پرڏيهي معاملن واري وزارت پاران جاري ڪيل هڪ بيان موجب ملاقات دوران ٻنهي ڌرين پاڪستان-يورپي يونين لاڳاپن ۾ مثبت اڳڀرائي جي آجيان ڪئي ۽ گڏيل طور تي لاڀائتي ڀائيواري کي وڌيڪ مضبوط ڪرڻ تي اتفاق ڪيو. ٻنهي اڳواڻن ان کانپوءِ منعقد ٿيندڙ اٺين پاڪستان-يورپي يونين اسٽريٽجڪ ڊائيلاگ کان اڳ علائقائي ۽ عالمي اڳڀرائي تي پڻ خيالن جي ڏي وٺ ڪئي.