قومي اسيمبلي جو اجلاس اربع جي صبح 11 وڳي تائين ملتوي

اسلام آباد – 19 مئي (اي پي پي) قومي اسيمبلي جو اجلاس ڪورم پورو نه ٿيڻ سبب اربع تي صبح جو 11 وڳي تائين ملتوي ڪيو ويو. اڱاري ڏينهن قومي اسيمبلي ۾ نجي ڪارروائي جو ڏينهن هو ۽ ايجنڊا تي مختلف بلز سميت 63 نقطا هئا. جڏهن ته اجلاس شروع ٿيندي ئي اقبال آفريدي ڪورم جي نشاندهي ڪئي. ڪورم پورو نه هئڻ تي اجلاس جي ڪارروائي 15 منٽن لاءِ ملتوي ڪئي وئي. جنهن کان پوءِ ڪورم پورو نه ٿيڻ تي اجلاس (اڄ) صبح جو 11 بجي تائين ملتوي ڪيو ويو.