نائب وزيراعظم ۽ پرڏيهي وزير سينيٽر محمد اسحاق ڊار سان گڏيل عرب امارات ۾ پاڪستان جي سفير شفقت علي خان جي ملاقات

اسلام آباد- 19 مئي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان گڏيل عرب امارات ۾ پاڪستان جي سفير شفقت علي خان اسلام آباد ۾ علائقائي سفيرن جي ڪانفرنس جي موقعي تي ملاقات ڪئي. پرڏيهي آفيس جي ترجمان پاران اڱاري تي جاري ڪيل بيان موجب، ملاقات دوران، نائب وزيراعظم پاڪستان ۽ گڏيل عرب امارات جي وچ ۾ مختلف شعبن ۾ تعاون کي وڌيڪ وڌائڻ ۽ ٻطرفي لاڳاپن کي مضبوط ڪرڻ جي ضرورت تي زور ڏنو. هن گڏيل عرب امارات ۾ پاڪستاني برادري جي مثبت ڪردار جو ذڪر ڪندي هدايت ڪئي ته ٻنهي ملڪن جي وچ ۾ عوام کان عوام تائين جي مضبُوط رابطن کي فروغ ڏيندي انهن جي ڀلائي کي وڌيڪ آسان بڻايو وڃي.