نائب وزيراعظم محمد اسحاق ڊار سان ازبڪستان جي پرڏيهي وزير جو ٽيليفونڪ رابطو، گڏيل دلچسپي جي ٻه طرفه ۽ گهڻ رخي معاملن تي ڳالهيون

اسلام آباد -16 مئي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار  ازبڪستان جي پرڏيهي وزير بختيار سعيدوف  سان ٽيليفونڪ رابطو ڪيو. پرڏيهي آفيس پاران جاري بيان موجب ٻنهي اڳواڻن پاڪ ازبڪ لاڳاپن، علائقائي صورتحال، گڏيل دلچسپي جي ٻه طرفه ۽ گهڻ رخي معاملن تي ڳالهيون ڪيون. ازبڪستان جي پرڏيهي وزير سعيدوف علائقائي امن ۽ سلامتي لاءِ ٽياڪڙي ۾ پاڪستان جي تعميري ڪردار جي تعريف ڪئي. ٻنهي اڳواڻن گڏيل رابطي ۾ رهڻ تي اتفاق ڪيو.