اسلام آباد – 14 مئي (اي پي پي) حريت اڳواڻ ياسين ملڪ جي زال مشعال ملڪ ڀارتي ڪارروائين جي شديد مذمت ڪندي چيو آهي ته ڀارت پنهنجي رياستي ظلم، جبر ۽ گرفتارين ذريعي ڪشميري عوام جي آواز کي دٻائڻ چاهي ٿو، پر ڪشميري قوم پنهنجي خوداراديت واري حق جي جدوجهد کان پوئتي نه هٽندي. هتي جاري هڪ بيان مطابق هن چيو ته والاريل ڪشمير جي علائقي شاليمار ۾ ڀارتي قابض فوج طرفان …
ڀارت پنهنجي رياستي ظلم ۽ غيرقانوني گرفتارين ذريعي ڪشميري عوام جي آواز کي دٻائڻ چاهي ٿو: مشعال ملڪ
مزید خبریں
اسلام آباد – 14 مئي (اي پي پي) حريت اڳواڻ ياسين ملڪ جي زال مشعال ملڪ ڀارتي ڪارروائين جي شديد مذمت ڪندي چيو آهي ته ڀارت پنهنجي رياستي ظلم، جبر ۽ گرفتارين ذريعي ڪشميري عوام جي آواز کي دٻائڻ چاهي ٿو، پر ڪشميري قوم پنهنجي خوداراديت واري حق جي جدوجهد کان پوئتي نه هٽندي. هتي جاري هڪ بيان مطابق هن چيو ته والاريل ڪشمير جي علائقي شاليمار ۾ ڀارتي قابض فوج طرفان ڪشميري نوجوانن جي غير قانوني گرفتارين خلاف عوام روڊن تي نڪري آيو، مظاهرو ڪندڙ ڀارتي فورسز خلاف شديد احتجاج ڪندي گرفتار نوجوانن جي فوري آزادي جو مطالبو ڪيو. مشعال ملڪ ڀارتي ڪارروائين جي شديد مذمت ڪندي چيو ته بي گناهه نوجوانن جون گرفتاريون ۽ عوام کي هراسان ڪرڻ ڀارتي رياستي دهشتگردي جو واضح ثبوت آهن. هن عالمي برادري ۽ انساني حقن جي تنظيمن کان مطالبو ڪيو ته والاريل ڪشمير ۾ جاري ڀارتي ظلم ۽ انساني حقن جي سنگين ڀڃڪڙين جو فوري نوٽيس ورتو وڃي.
