وزيراعظم محمد شهباز شريف سان مذهبي معاملن واري وفاقي وزير سردار محمد يوسف جي ملاقات

اسلام آباد- 13 مئي (اي پي پي) وزيراعظم محمد شهباز شريف سان مذهبي معاملن واري وفاقي وزير سردار محمد يوسف اربع ڏينهن هتي ملاقات ڪئي، جنهن ۾ هن وزيراعظم کي هن سال جي جاري حج آپريشن جي حوالي سان انتظامن بابت بريفنگ ڏني. وزيراعظم آفيس جي ميڊيا ونگ پاران جاري ڪيل بيان موجب، وزيراعظم چيو ته حج پانڌيئڙا الله تعاليٰ جا مهمان آهن. هن هدايت ڪئي ته سعودي عرب ۾ پاڪستاني حج مشن پاران پاڪستاني حاجين جي خدمت ۽ سهولتن ۾ ڪا به ڪوتاهي نه ڪئي وڃي. هن ايئرپورٽ تي حاجين کي سمُوريُون سهولتون فراهم ڪرڻ جي به هدايت ڪئي.