سنگاپور کي 11 پاڪستاني ۽ 20 ايراني ملاحن جي وطن واپسي ۾ سهولت لاءِ حمايت جي درخواست ڪئي آهي: نائب وزيراعظم محمد اسحاق ڊار

اسلام آباد – 08 مئي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار چيو آهي ته هن سنگاپور جي پرڏيهي وزير ويوين بالا ڪرشنن سان ٽيليفون تي ڳالهه ٻولهه ۾ آمريڪا پاران ضبط ڪيل جهازن تي سوار 11 پاڪستاني ۽ 20 ايراني ملاحن جي ڀلائي ۽ وطن واپسي ۾ سهولت فراهم ڪرڻ لاءِ سنگاپور جي حمايت جي حمايت جي درخواست ڪئي جيڪي هن وقت سنگاپور جي سامونڊي حدن ويجهو موجود آهن. سوشل ميڊيا پليٽ فارم ايڪس تي هڪ بيان ۾ نائب وزيراعظم چيو ته هن ايران جي پرڏيهي وزير عباس عراقچي سان به ڳالهه ٻولهه ڪئي آهي ۽ ان معاملي تي ويجهو رابطو برقرار آهي. هن چيو ته پاڪستان، ايران جي شهرين جي پاڪستان جي رستي ايران تائين محفوظ واپسي ۾ به سهڪار لاءِ تيار آهي. نائب وزيراعظم چيو ته اسان سنگاپور طرفان سهڪار فراهم ڪرڻ ۽ حمايت کي ساراهيون ٿا. سينيٽر محمد اسحاق ڊار چيو ته پاڪستان پرڏيهي وزارت ۽ لاڳاپيل ادارن ذريعي آمريڪي اختيارين ۽ ٻين ڌرين سان ويجهي رابطي ۾ آهي، ته جيئن اسانجي شهرين کي حفاظت، ڀلائي ۽ جلدي واپسي کي يقيني بڻائي سگهجي.