لاڙڪاڻو پوليس جا شهر ۾ مختلف هنڌن تي هلندڙ جوا جي اڏن تي ڇاپا، 14 جواري گرفتار

لاڙڪاڻو – 16 فيبروري (اي پي پي) لاڙڪاڻو پوليس شهر ۾ ٽن مختلف هنڌن تي هلندڙ جوا جي اڏن تي ڇاپا هڻي14  جواري گرفتار ڪري مختلف ٿاڻن تي الڳ الڳ ڪيس داخل ڪري ورتا آهن. سي آءِ اي پوليس، دڙي پوليس، عاقل پوليس ۽ لاشاري پوليس پنهنجي گڏيل ڪارروائين دوران 14 جوارين محبوب، مظهر، دلبر، جان محمد، حاجي خان، نذير، عبدالطيف، انور، گل محمد، اسد، زاهد، منير ۽ يوسف کي  دڙي ٿاڻو جي حدن ۾ ريلوي گارڊن، ٿاڻي عاقل جي حدن ۾ حيدر ڪالوني ۽ ٿاڻي لاشاري جي حدن ۾ سيوا چوڪ وارن علائقن مان تاش جي پتن ۽ روڪ پئسن سميت گرفتار ڪري الڳ الڳ ڪيس داخل ڪري ڇڏياآهن.