ڏهين آءِ سي سي مينز ٽي -20 ورلڊ ڪپ ۾ خميس تي وڌيڪ ٽي ميچ کيڏيا ويندا

ممبئي-11 جنوري (اي پي پي) انٽرنيشنل ڪرڪيٽ ڪائونسل جي اهتمام هيٺ آءِ سي سي ٽي -20 ورلڊ ڪپ ۾ خميس ڏينهن وڌيڪ ٽي ميچ کيڏيا ويندا. پرڏيهي ميڊيا موجب پهريون ميچ گروپ بي جي ٽيمن ميزبان سريلنڪا ۽ عمان وچ ۾ کيڏيو ويندو، ٻيو ميچ گروپ سي جي ٽيمن نيپال ۽ اٽلي ۾ وچ ۾  ٿيندو، جڏهن ته ٽيون ميچ گروپ اي جي ٽيمن ميزبان ڀارت ۽ نميبيا وچ ۾ ارون جيٽلي اسٽيڊيم، دهلي ۾ کيڏيو ويندو. محدود اوورز جي فارميٽ جي ڏهين ميگا ايونٽ جا دلچسپ مقابلا ڀارت ۽ سريلنڪا ۾ جاري آهن جنهن ۾ شوقينن کي زوردار مقابلا ڏسڻ ۾ ملي رهيا آهن. ميگا ايونٽ ۾ 20 ٽيمون ٽائيٽل کي حاصل ڪرڻ لاءِ ڪوششون ڪري رهيون آهن. ميزبان ڀارت جي ٽيم دفاعي چيمپئن آهي، ميگا ايونٽ ۾ فائنل سميت 55 ميچ کيڏيا ويندا، ٽورنامينٽ جو فائنل ميچ 8 مارچ تي کيڏيو ويندو.