بنگلاديش سال 2026ع لاءِ گڏيل قومن جي پيس بلڊنگ جو نائب صدر چونڊجي ويو

ڍاڪا – 30 جنوري(اي پي پي) بنگلاديش کي سال 2026ع لاءِ گڏيل قومن جي پيس بلڊنگ ڪميشن (پي بي سي ) جو نائب صدر چونڊيو ويو آهي . پرڏيهي ميڊيا جي رپورٽ مطابق پي بي سي جي پنج رڪني بيورو جي چونڊ خميس ڏينهن نيويارڪ ۾ گڏيل قومن جي هيڊ ڪوارٽر ۾ ٿي . ڪميشن جي ميمبرن پنهنجي 20هين اجلاس جي پهرين ڏينهن مراڪش کي چيئرمين جڏهن ته جرمني، برازيل ، ڪروشيا ۽ بنگلاديش کي نائب صدر چونڊيو . پيس بلڊنگ ڪميشن هڪ عالمي مشاورتي ادارو آهي جيڪو تڪرار سبب متاثر ملڪن ۾ امن جي ڪوششن جي حمايت ڪندو آهي . ڪميشن 31 ميمبر ملڪن تي ٻڌل آهي جن جي چونڊ جنرل اسيمبلي، سلامتي ڪائونسل ، اقتصادي ۽ سماجي ڪائونسل ۽ گڏيل قومن جي نظام ۾ سرگرم فوجين ۽ مالي سهڪار ڪندڙ ملڪن سان ڪيو ويندو آهي . بنگلاديش 2005ع ۾ پنهنجي قيام بعد کان ڪميشن جو ميمبر رهيو آهي ۽ ان کان اڳ  سال 2012ع ۽ سال 2022ع ، سال 2013ع ۽ سال 2023 ع ۾ نائب طور چيئرمين ڪميشن جي خدمت انجام ڏئي چڪو آهي. بنگلاديش جمعي ڏينهن  هڪ مختصر تقريب بعد پنهنجي 20 هين سيشن جي پهرين پي بي سي اجلاس دوران نائب صدر جي حيثيت سان چارج سنڀالي ورتي . ان  موقعي تي گڏيل قومن جي جنرل اسيمبلي  جو صدر ۽ سيڪريٽري جنرل موجود هئا. هڪ بيان ۾ ، بنگلاديش جي وفد ان ذميواري لاءِ بنگلاديش تي اعتماد ۽ اعتماد جو اظهار ڪرڻ تي ڪميشن جي ميمبرن جو شڪريه ادا ڪيو ۽ گڏيل قومن جي امن جي قيام جي ڪوششن ۽ سرگرمين سان گڏوگڏ ان جي مستقبل جي حڪمت عملي لاءِ پنهنجي عزم جو ورجاءُ ڪيو.