ايڇ بي ايل پاڪستان سپر ليگ ۾ اهم تبديلين جو اعلان

لاهور -19 جنوري (اي پي پي) ايڇ بي ايل پاڪستان سپر ليگ جي انتظامي ڍانچي  ۾ اهم تبديلين جو اعلان ڪيو ويو آهي، جنهن تحت ٽورنامينٽ جي 11هين ايڊيشن  ۾ رانديگرن جي سليڪشن ڊرافٽ بدران آڪشن ذريعي ڪئي ويندي. آڪشن کان اڳ هر فرنچائيز کي مجموعي طور 4 رانديگر ريٽين ڪرڻ جي اجازت هوندي، صرف هڪ رانديگر کي برقرار رکي سگهجي ٿو. هر فرنچائز کي هڪ عالمي رانديگر کي ڊائريڪٽ سائن ڪرڻ جي اجازت هوندي، آڪشن لاءِ هر ٽيم جي سيلري ڪيپ 16 لک آمريڪي ڊالرز مقرر ڪئي وئي آهي. ايڇ بي ايل پي ايس ايل جو 11هون ايڊيشن  26 مارچ کان شروع ٿيندو جڏهن ته ان سيزن جون ڪجهه ميچون اقبال اسٽيڊيم فيصل آباد ۾ به کيڏيون وينديون.