صدر آصف علي زرداري ۽ پي پي پي چيئرمين بلاول ڀٽو زرداري شهيد بينظير ڀٽو جي 18هين ورسي ۾ شرڪت لاءِ لاڙڪاڻو پهتا

لاڙڪاڻو-27 ڊسمبر (اي پي پي) صدر آصف علي زرداري ۽ پي پي پي چيئرمين بلاول ڀٽو زرداري شهيد بينظير ڀٽو جي 18هين ورسي ۾ شرڪت لاءِ نئون ديرو هائوس پهتا. صدر آصف علي زرداري اسلام آباد کان سکر ايئرپورٽ تي ۽ بلاول ڀٽو زرداري ڪراچي کان هوائي جهاز ذريعي پهتا، جتي انهن جو استقبال سنڌ جي وڏي وزير سيد مراد علي شاهه ڪيو. آصف علي زرداري ۽ بلاول ڀٽو زرداري سکر کان نئون ديرو ۾ صدر هائوس روڊ ذريعي سفر ڪري پهتا. صدر آصف علي زرداري ۽ پي پي پي چيئرمين بلاول ڀٽو زرداري ڳڙهي خدا بخش ڀٽو ۾ هڪ عوامي جلسي کي خطاب ڪندا.