راولپنڊي – 26 ڊسمبر (اي پي پي) گڏيل عرب امارات جي صدر شيخ محمد بن زايد النهيان جو راولپنڊي اچڻ تي شاندار استقبال ڪيو ويو، جڏهن ته پنجاب ڪائونسل آف دي آرٽس (پي سي اي)، راولپنڊي پاڪستان جي ڀرپور ورثي کي ظاهر ڪرڻ جي لاءِ هڪ عظيم الشان تقريب جو اهتمام ڪيو. راولپنڊي جي رستي ۾ هڪ شاندار ثقافتي پرفارمنس جو اهتمام ڪيو ويو. جنهن ۾ پنجاب، خيبرپختونخواهه، آزاد ڄمون …
گڏيل عرب امارات جي صدر شيخ محمد بن زايد النهيان جو راولپنڊي ۾ شاندار استقبال
مزید خبریں
راولپنڊي – 26 ڊسمبر (اي پي پي) گڏيل عرب امارات جي صدر شيخ محمد بن زايد النهيان جو راولپنڊي اچڻ تي شاندار استقبال ڪيو ويو، جڏهن ته پنجاب ڪائونسل آف دي آرٽس (پي سي اي)، راولپنڊي پاڪستان جي ڀرپور ورثي کي ظاهر ڪرڻ جي لاءِ هڪ عظيم الشان تقريب جو اهتمام ڪيو. راولپنڊي جي رستي ۾ هڪ شاندار ثقافتي پرفارمنس جو اهتمام ڪيو ويو. جنهن ۾ پنجاب، خيبرپختونخواهه، آزاد ڄمون ۽ ڪشمير، بلوچستان ۽ سنڌ جون روايتي پرفارمنسز پيش ڪيون ويون. رنگين پرفارمنسز پاڪستان جي وحدت ۾ اتحاد کي ظاهر ڪيو ۽ ملڪ جي گهري ثقافتي روايتن جي عڪاسي ڪئي. 120 مرد عورت آرٽسٽن تي ٻڌل هڪ ٽيم فالڪ ڊانسز، موسيقي ۽ روايتي نمائشون پيش ڪيون. جنهن خصوصي مهمان ۽ ان سان گڏ آيل وفد کي متاثر ڪيو. ضلعي انتظاميا جي اهلڪارن ۽ پنجاب ڪائونسل آف دي آرٽس، راولپنڊي جي ميمبرن ان تقريب ۾ شرڪت ڪئي. اها تقريب پاڪستان ۽ گڏيل عرب امارات جي وچ ۾ مضبوط ٻطرفي لاڳاپن جي علامت آهي ۽ فن ۽ ورثي جي ذريعي ثقافتي ڊپلوميسي کي فروغ ڏيڻ جي لاءِ پاڪستان جي عزم کي ظاهر ڪري ٿي. پنجاب ڪائونسل آف دي آرٽس راولپنڊي خصوصي مهمان جو استقبال ڪرڻ تي فخر جو اظهار ڪيو ۽ پاڪستان جي ثقافتي ورثي کي قومي ۽ عالمي سطح تي فروغ ڏيڻ جي لاءِ پنهنجي عزم جو ورجاءُ ڪيو.
