سعودي عرب جي ولي عهد پاران ايف سي بار سلونا خريد ڪرڻ ۾ دلچسپي ظاهر، 10 ارب يورو جي آڇ  جو امڪان

رياض- 15 ڊسمبر(اي پي پي)سعودي عرب جي ولي عهد ۽ وزير اعظم شهزاده محمد بن سلمان اسپين جي فٽبال ڪلب ايف سي بار سلونا کي خريد ڪرڻ لاءِ 10 ارب يورو جي رقم جي آڇ جي دلچسپي ظاهر ڪئي آهي . پرڏيهي ميڊيا موجب اها دعويٰ اسپورٽس پروگرام جي صحافي سوشل ميڊيا پليٽ فارم ايڪس تي ڪئي آهي . رپورٽ موجب بارسلونا ڪلب جا اهي ميمبر جيڪي صدارتي چونڊن ۾ حصو وٺن ٿا ، امڪاني طور تي ان وڪري جي رستي ۾ رڪاوٽ بڻجي سگهن ٿا ڇو ته ڪلب جي ملڪيت بابت قطعي فيصلي ۾ ان جي راءِ اهم حيثيت رکي ٿي.