انگلش پريمئير ليگ ۾ ايورٽن جي پنجين ڪاميابي، مانچيسٽر يونائيٽيڊ کي سخت مقابلي بعد 0-1 تان شڪست

لنڊن – 26 نومبر(اي پي پي) انگلش پريمئير ليگ ۾ ايورٽن هڪ ميچ ۾ سخت مقابلي کانپوءِ مانچيسٽر يونائيٽيڊ کي 0-1 تان شڪست ڏني ۽ پنهنجي پنجين فتح  ۾ اهم ڪردار ادا ڪيو. ڪيرنن ڊيوسبري هال ميچ جو واحد گول ڪري پنهنجي ٽيم مانچيسٽر يونائيٽيڊ جي فتح ۾ اهم ڪردار ادا ڪيو. پرڏيهي ميڊيا موجب انگلش پريمئير ليگ جي 34 هين سيزن انگلينڊ ۾ جاري آهي جنهن ۾ فٽبال جي مداحن کي تمام دلچسپ ۽ سخت مقابلا ڏسڻ لاءِ ملي رهيا آهن. انگلينڊ جي مانچسٽر جي اولڊ ٽريفورڊ ۾ کيڏيل ليگ جي اهم ميچ ۾ ايورٽن ۽ مانچيسٽر يونائيٽيڊ جون ٽيمون هڪ ٻئي جي سامهون ٿيون، جنهن ۾ ايورٽن ٽيم سخت مقابلي کانپوءِ 0-1 تان شڪست ڏني.ڪيرنن ڊيوسبري هال ايورٽن لاءِ 29 هين منٽ ۾ اسڪور ڪري  ڪاميابي حاصل ڪئي. انگلش پريمئير ليگ جي هن ميچ ۾ ڪامياب ٽيم جي هڪ رانديگر کي پنهنجي ئي ساٿي سان بحث ڪرڻ تي ريڊ ڪارڊ ڏئي ميدان کان ٻاهر موڪليو ويو. ايورٽن جي مڊ فيلڊر اڊريسا گوئي کي پنهنجي ئي ساٿي مائيڪل ڪين سان بحث ڪرڻ تي ريڊ ڪارڊ ڏنو ويو. 17 سالن کان پوءِ اهڙو واقعو پيش آيو آهي جڏهن هڪ رانديگر کي پنهنجي ئي ساٿي سان بحث ڪرڻ تي ميدان کان ٻاهر موڪليو ويو. اهو واقعو ميچ جي 13 هين منٽ ۾ ان وقت  شروع ٿيو جڏهن اڊريسا گوئي جي غلط پاس جي نتيجي ۾ برونو فرنينڊس جو شاٽ گول پوسٽ جي ويجھو کان نڪري ويو. گوئي ان ڳالهه تي ظاهري طور تي پنهنجي ناراضگي جو اظهار ڪيو ته مائيڪل ڪين ان تائين پهچڻ جي ڪوشش نه ڪئي ۽ ٻنهي رانديگرن هڪ ٻئي کي ڌڪا ڏيڻ شروع ڪري ڏنا. ميچ ۾ ميزبان ٽيم مانيچسٽر يونائيٽيڊ ميچ ۾ ڪو گول ڪرڻ ۾ ناڪام رهي. اها اي پي ايل ۾ ايورٽن جي پنجين فتح آهي ۽ 18 پوائنٽن سان پوائنٽس ٽيبل ۾ 11 هين نمبر تي آهي. واضح رهي ته آرسنل جي ٽيم اي پي ايل ۾ سڀ کان وڌيڪ 29 پوائنٽن سان ٽيبل جي ٽاپ پوزيشن  تي برقرار آهي.