اسلام آباد – 09 آگسٽ (اي پي پي) وزيراعظم محمد نواز شريف چيو آهي ته دهشتگرد جمهوريت جي ٿنڀن تي حملا ڪري رهيا آهن تنهن هوندي به دهشتگردن جي خلاف پوري قوم جو عزم پڪو آهي. وزيراعظم هائوس ۾ عوامي نيشنل پارٽي جي قومي اسيمبلي ميمبر حاجي غلام احمد بلور سان ملاقات ۾ ڳالهائيندي وزيراعظم محمد نواز شريف چيو ته ڪوئيٽا ۾ دهشتگردن جي حملي مان اها ڳالهه ثابت ٿئي ٿي ته هو هر ان اداري سان نفرت ڪن ٿا جيڪي اسان جي سياست جو لازمي حصو آهي.
