پاڪستان ۽ ڏکڻ آفريقا جي ڪرڪيٽ ٽيمن وچ ۾ ٻيون ۽ آخري ٽيسٽ ميچ سُومر کان شروع ٿيندو

راولپنڊي- 19 آڪٽوبر (اي پي پي) آءِ سي سي ورلڊ چيمپيئن شپ جي سلسلي ۾ پاڪستان ۽ ڏکڻ آفريقا جي ڪرڪيٽ ٽيمن وچ ۾ ٻن ٽيسٽ ميچن تي ٻڌل سيريز جو ٻيون ۽ آخري ٽيسٽ ميچ سومر کان راولپنڊي ڪرڪيٽ اسٽيڊيم ۾ شروع ٿيندو. مداحن جي جنرل، فرسٽ ڪلاس، پريميئم ۽ وي آءِ پي انڪلوزرز ۾ داخلا مفت هوندي. پاڪستان کي سيريز ۾ 1-0 جي سرسي حاصل آهي. قذافي اسٽيديم لاهور ۾ کيڏيل پهرين ٽيسٽ ميچ ۾ پاڪستان ڏکڻ آفريقا کي 93 رنسن تان شڪست ڏني هئي. قومي ٽيم شان مسعود جي قيادت ۾ ميدان ۾ لهندي ۽ رانديگر سيريز ۾ ڪلين سويپ جي عزم لاءِ پرجوش نظر اچي رهيا آهن.