جنيوا -27 آگسٽ (اي پي پي) آمريڪي انتظاميه جي لاڳو ڪيل نئين ٽيرف پاليسي کان پوءِ 25 ملڪن آمريڪا لاءِ ڊاڪ سروس معطل ڪري ڇڏي آهي. پرڏيهي ميڊيا موجب سوئٽزرلينڊ ۾ قائم يونيورسل ڊاڪ يونين ٻڌايو ته ميمبر ملڪ آمريڪي ڪسٽم جي نئين ٽيڪس ضابطي جي حوالي سان غيريقيني واري صورتحال سبب پارسل موڪلڻ جو سلسلو روڪي ڇڏيو آهي. گذريل مهيني آمريڪا اعلان ڪيو هو ته هو 800 ڊالرن کان گهٽ ماليت جي ننڍي عالمي ناڻي رسد لاءِ ڪسٽمز ٽيڪس کان ڇوٽ واري پاليسي کي 29 آگسٽ کان ختم ڪري ڇڏيندو.
