دبئي – 21 آگسٽ (اي پي پي) پاڪستان جي ٽيم انٽرنيشنل ڪرڪيٽ ڪائونسل (آءِ سي سي) جي انتظام ھيٺ پاڪستان، افغانستان ۽ گڏيل عرب امارات (يو اي اي) وچ ۾ 3 ملڪي ٽي-20 ٽراءِ سيريز ۽ ايشيا ڪپ ۾ شرڪت لاءِ دبئي پھچي وئي آھي. پاڪستان، افغانستان ۽ گڏيل عرب امارات (يو اي اي) وچ ۾ 3 ملڪي ٽي-20 ٽرائي سيريز 29 آگسٽ کان 7 سيپٽمبر تائين شارجا ڪرڪيٽ اسٽيڊيم ۾ کيڏي ويندي، سيريز جي شروعاتي ميچ 29 آگسٽ تي پاڪستان ۽ افغانستان جي ڪرڪيٽ ٽيمن وچ ۾ کيڏي ويندي. 3 ملڪي ٽي-20 ٽراءِ سيريز ۾ شامل ھر ٽيم ٽورنامينٽ ۾ ٻين ٻن ٽيمن خلاف 2، 2 ميچون کيڏندي جڏھن ته 7 سيپٽمبر تي ٽاپ ٻن ٽيمن وچ ۾ فائنل کيڏيو ويندو. آءِ سي سي ان سلسلي ۾ اڳ ئي 3 ملڪي ٽي-20 ٽراءِ سيريز جو شيڊول جاري ڪري ڇڏيو آھي جنھن جون سموريون ميچون شارجا ڪرڪيٽ اسٽيڊيم ۾ کيڏيون وينديون. 3 ملڪي ٽي-20 ٽراءِ سيريز جي پھرين ميچ پاڪستان ۽ افغانستان جي ٽيمن وچ ۾ 29 آگسٽ ، ٻي ميچ يو اي اي ۽ پاڪستان جي ٽيمن وچ ۾ 30 آگسٽ جڏهن ته سيريز جي ٽئين ميچ يو اي اي ۽ افغانستان جي ٽيمن وچ ۾ 1 سيپٽمبر تي کيڏي ويندي،اهڙي ريت سيريز جي چوٿين ميچ پاڪستان ۽ افغانستان جي ٽيمن وچ ۾ 2 سيپٽمبر ، پنجين ميچ پاڪستان ۽ يو اي اي جي ٽيمن وچ ۾ 4 سيپٽمبر ۽ ڇھين ميچ افغانستان ۽ يو اي اي جي ٽيمن وچ ۾ 5 سيپٽمبر تي کيڏي ويندي. 3 ملڪي ٽي-20 سيريز جي ٽاپ ٻن ٽيمن وچ ۾ فائنل ميچ 7 سيپٽمبر تي کيڏيو ويندو. 3 ملڪي ٽي-20 سيريز ٽنھي ٽيمن لاءِ ايشيا ڪپ کان اڳ ھڪ اھم وارم اپ موقعو فراھم ڪندي. پاڪستان جي ٽيم 21 کان 27 آگسٽ تائين پري سيريز ٽريننگ ڪيمپ ۾ به حصو وٺندي. جنھن دوران ٻه انٽر اسڪواڊ پريڪٽس ميچون کيڏيون وينديون. واضح رھي ته ٽي ملڪي سيريز جي شروعات 29 آگسٽ کان ٿيندي ۽ فائنل 7 سيپٽمبر تي کيڏيو ويندو. جنھن کانپوءِ 9 سيپٽمبر کان ايشيا ڪپ جي شروعات ٿيندي.
