ڪينبرا – 20 آگسٽ (اي پي پي) آسٽريليا ۽ ڏکڻ آفريقا جي ڪرڪيٽ ٽيمن وچ ۾ 3 ھڪ ڏينھن وارين عالمي ميچن تي ٻڌل سيريز جو ٻيو ميچ 22 آگسٽ تي گريٽ بيريئر ريف ايرينا، ميڪي ۾ کيڏيو ويندو. مھمان ڏکڻ آفريقا کي ميزبان آسٽريليا خلاف ون ڊي سيريز ۾ 1-0 جي سرسري حاصل آھي. ان کان اڳ ڏکڻ آفريقا ۽ ميزبان آسٽريليا جي ٽيمن وچ ۾ کيڏيل 3 ٽي-20 ميچن جي سيريز ميزبان آسٽريلوي ٽيم 2-1 تان کٽي ورتي هئي. ون ڊي سيريز جو ھڪ ميچ کيڏيو ويو آھي. ڏکڻ آفريقا ۽ آسٽريليا جي ٽيمن وچ ۾ 3 ون ڊي ڪرڪيٽ ميچن جي سيريز جي ٻي ميچ 22 آگسٽ تي گريٽ بيريئرريف ايرينا، ميڪي واري ھنڌ کيڏيو ويندو جڏھن ته ٽيون ۽ آخري ون ڊي ميچ 24 آگسٽ تي ساڳئي ھنڌ کيڏيو ويندو. ٽئي ھڪ ڏينھن وارا ميچ ڊي اينڊ نائيٽ هوندا جيڪي فلڊ لائٽس جي روشني ۾ کيڏيا ويندا. ون ڊي سيريز ۾ ميزبان آسٽريليا ٽيم جي قيادت بھترين آل رائونڊر مچل مارش ڪندو جڏھن ته ڏکڻ آفريقا جي ٽيم جي قيادت ٽيمبا بووما ڪندو.
