ڪيئرنز – 19 آگسٽ (اي پي پي) ڏکڻ آفريقا جي ڪرڪيٽ ٽيم جو فاسٽ بالر ڪگيسوربادا پير جي انجري سبب آسٽريليا خلاف 3 ھڪ ڏينھن واري ميچن جي سيريز کان ٻاھر ٿي ويو آھي. پرڏيھي ميڊيا مطابق 30 ورھين جي ربادا جي پير جو اسڪين ڪيو ويو جنھن ۾ انجري جي شدت جي تصديق ٿي. ھو آسٽريليا ۾ ئي ترسل ڏکڻ آفريقا جي ميڊيڪل ٽيم جي نگراني ۾ بحالي جي عمل مان گذرندو. ٽيم مينجمينٽ فاسٽ بالر ڪگيسوربادا جي جڳھه تي ڪويناماڀاڪا کي اسڪواڊ ۾ شامل ڪري ورتو آھي، جيڪو تازي ٽي-20 سيريز ۾ سڀ کان وڌيڪ وڪٽيون وٺندڙ بالر ھو. ربادا جي عدم دستيابي ۽ مار ڪوجانس آڱوٺي جي سرجري کان صحتياب ٿيڻ واري عمل ۾ ھجڻ سبب ڏکڻ آفريقا وٽ فاسٽ بالنگ آپشنز ۾ نانڊري برگر، لنگي نگيڊي ۽ ماڀاڪا موجود آھن جڏھن ته آل رائونڊرز ڪوربن بوش ۽ ويان ملڊر به اسڪواڊ جو حصو آھن. اسپن بالنگ ۾ ڪيشو مھاراج، سينيوران مٿوسامي ۽ پرينيلن سبرائين ٽيم کي دستياب آھن. سيريز جي پھرين ون ڊي ڪيئرنز جي ڪزاليز اسٽيڊيم ۾ کيڏي پئي وڃي جڏھن ته ايندڙ ٻه ميچون ميڪي جي گريٽ بيريئرريف ايرينا ۾ ٿينديون. ياد رھي ته آسٽريليا کي ٽي-20 سيريز 1-2 تان ڪاميابي حاصل آھي.
