ميلبورن-15 آگسٽ (اي پي پي) آسٽريليا ۽ ڏکڻ آفريقا جي ڪرڪيٽ ٽيمن وچ ۾ ٽن ٽي 20 ميچن جي سيريز جو ٽيون ۽ فيصلائتو ميچ ڇنڇر 16 آگسٽ تي ڪازلي اسٽيڊيم ڪيرنز واري هنڌ کيڏيو ويندو، ٻنهي ٽيمن وچ ۾ ٽن ٽي -20 ميچن جي سيريز 1-1 تان برابر آهي. ميزبان ڪينگروز پهرين تي 20 ميچ ۾ پروٽيز کي 17 رنسن تان شڪست ڏني هئي پر پروٽيز ٽيم ٻئين ٽي 20 ميچ ۾ جاندار ڪم بيڪ ڪندي نه رڳو ميزبان آسٽريلوي ٽيم کي 53 رنسن تان شڪست ڏني پر ٽن ميچن جي سيريز به 1-1 تان برابر ٿي ڪري ڇڏي. ڏکڻ آفريقا جي ٽيم پنهنجي آسٽريليا جي دوري دوران ميزبان ٽيم خلاف ٽن ٽي -20 ۽ ٽن ون ڊي ميچن جي سيريز کيڏندي. ٽي- 20 سيريز ۾ ڏکڻ آفريقا جي ٽيم کي مشهور آل رائونڊر رايڊن ڪائل مارڪر جڏهن ته آسٽريلوي ٽيم کي مچل مارش ليڊ ڪندو.
