ڪوئيٽا – 04 آگسٽ (اي پي پي) صدر ممنون حسين چيو آهي ته بلوچستان خوشحالي جي راهه تي گامزن آهي ۽ چائنا پاڪستان اقتصادي لنگهه منصوبن جي تڪميل تي صوبي ۾ معاشي ۽ سماجي ترقي جي هڪ نئين دور جو آغاز ٿيندو. هتي گورنر هائوس ۾ بلوچستان جي گورنر محمد خان اچڪزئي ۽ وڏي وزير نواب ثناءُ الله زهري سان ملاقات ۾ ڳالهائيندي صدر بلوچستان ۾ امن امان جي بهتر صورتحال تي اطمينان جو اظهار ڪيو ۽ چيو ته شرپسندن سان سختي سان منهن ڏنو ويندو. هن چيو ته بلوچستان ۾ امن ۽ ترقي لاءِ ڪا به ڪسر نه ڇڏي ويندي.
