پريس انفارميشن ڊپارٽمينٽ جي اهتمام هيٺ پاڪستان جي آزادي جي ڏهاڙي جي مُناسبت سان سيمينار

لاهور – 11 آگسٽ (اي پي پي) پريس انفارميشن ڊپارٽمينٽ جي اهتمام هيٺ ”78هون آزادي ڏهاڙو: پائيدار ترقي جي لاءِ ڪاميابيون، چئلينجز ۽ موقعا“ جي عنوان سان هڪ سيمينار منعقد ٿيو. سيمينار ۾ خطاب ڪندڙن قومي ترقي ۽ خوشحالي جي لاءِ اتحاد ۽ يڪجهتي کي لازمي قرار ڏيندي چيو ته پاڪستان جي عوام ۾ زندگي جي هر شعبي ۾ نمايان مقام حاصل ڪرڻ جي ڀرپور صلاحيت موجود آهي. سيمينار کي خطاب ڪندي سينيئر صحافي ۽ ليکڪ مجيب الرحمان شامي چيو ته پاڪستان جو قيام هڪ تاريخي ڪاميابي هئي ۽ آزادي کانپوءِ ملڪ صنعتي ترقي، قومي ڍانچي جي جوڙجڪ ۽ ائٽمي قوت بڻجڻ جهڙا وڏا سنگ ميل عبور ڪيا. هن چيو ته نظم ۽ ضبط بڻائڻ سان ملڪ جي ترقي جي رفتار ڪيترائي ڀيرا وڌي سگهي ٿي. سينيئر صحافي ارشد احمد عارف چيو ته پاڪستان ۾ بي شمار مثبت رخ آهن جن کي اجاگر ڪرڻ جي ضرورت آهي جڏهن ته ملڪ ۾ روزگار جا موقعا ۽ ٻاهرئين ملڪ ويندڙ هنرمند ماڻهو قومي معيشت ۾ مثبت ڪردار ادا ڪري رهيا آهن. سينيئر صحافي سلمان غني چيو ته پاليسي ۾ تسلسل پائيدار ترقي جي لاءِ ضروري آهي ۽ اهل قيادت جي چونڊ ملڪ جا اڌ مسئلا حل ڪري سگهي ٿي. سينيئر صحافي نصرالله ملڪ چيو ته هڪ مضبوط معاشرو قائم ڪرڻ جي لاءِ انساني وسيلن جي ترقي بنيادي اهميت رکي ٿي جڏهن ته تعليم ۽ نوجوانن جي هنرسازي تي ڌيان وقت جي اهم ضرورت آهي. تعليمي ماهر ڊاڪٽر عرشه چيو ته پاڪستان سياسي عدم استحڪام، غربت ۽ اندروني خطرن جهڙن مسئلن جي باوجود ترقي جي ڀرپور صلاحيت رکي ٿو. هن چيو ته تبديلي جي شروعات شخص جي سطح تي ٿيڻ گهرجي ۽ الزام بازي کان پاسو ڪرڻ گهرجي. تعليمي ماهر ڊاڪٽر عائشه جامي چيو ته 2030ع تائين بگ ڊيٽا، مصنوعي ذهانت، سائبر سيڪيورٽي ۽ ٻي جديد ٽيڪنالاجي بابت رڳو 20 شعبا ئي اهم رهجي ويندا، ان لاءِ نوجوانن کي انهن مهارتن سان ليس ڪرڻ ضروري آهي. هن ڀارتي جارحيت جو منهن ٽوڙ جواب ۽ دوست ملڪن جي حمايت کي پاڪستان جي اسٽريٽجڪ ڪاميابي قرار ڏنو. تقريب کي پي آءِ ڊي لاهور جي ڊائريڪٽر جنرل شفقت عباس چيو ته پاڪستان گذريل 78 سالن ۾ شاندار ڪاميابيون حاصل ڪيون آهن جڏهن ته غربت، موسمياتي تبديلي ۽ گورننس جي خال جهڙن چئلينجز تي ضابطو آڻڻ جي لاءِ اتحاد، ويزن ۽ تسلسل ضروري آهي. تقريب کي محمد مهدي، افتخار احمد ۽ نورالله پڻ خطاب ڪيو.