وزيراعظم پاران نئين مالي سال جي پهرين ئي مهيني ۾ پاڪستان جو روانگي واپار 2.7 ارب ڊالر تائين پهچڻ تي اطمينان جو اظهار

اسلام آباد – 07 – آگسٽ (اي پي پي) وزيراعظم محمد شهباز شريف نئين مالي سال جي پهرين ئي مهيني ۾ پاڪستان جو روانگي واپار 2.7 ارب ڊالر تائين پهچڻ تي اطمينان جو اظهار ڪندي چيو آهي ته حڪومت جي بهترين معاشي پاليسين ۽ ترجيحن جي ڪري معاشي اشارا صحيح رخ ۾ گامزن آهن، حڪومت ملڪ مان برآمدات ۾ اضافي، سيڙپڪاري جي فروغ ۽ ڪاروبار دوست ماحول جي فراهمي جي لاءِ ڪوششون ڪري رهي آهي. وزيراعظم آفيس جي ميڊيا ونگ پاران جاري بيان موجب وزيراعظم چيو ته جولاءِ 2024ع کان جولاءِ 2025ع دوران روانگي واپار ۾ 17 سيڪڙو اضافو ٿيو آهي جيڪو انتهائي خوش آئنده آهي، رڳو هڪ مهيني ۾ روانگي واپار ۾ 9 سيڪڙو اضافو انتهائي اطمينان جوڳو آهي، روانگي واپار تي ٻڌل ترقي حڪومت جي اولين ترجيح آهي. هن چيو ته حڪومت جي بهترين معاشي پاليسين ۽ ترجيحن جي ڪري معاشي اشارا صحيح رخ ۾ گامزن آهن، حڪومت جي معاشي ٽيم جون ڪوششون ساراهه جوڳيون آهن، فيس ليس ڪسٽم اسيسمنٽ سسٽم جي لاڳو سان پورٽ آپريشنز ۾ وڌيڪ بهتري آڻي رهيا آهيون. وزيراعظم چيو ته جي ڊي پي ۾ ٽيڪس وصولي جي تناسب ۾ اضافو حڪومت جي لاءِ اطمينان جوڳو آهي، عالمي مالياتي ادارن پاران پاڪستان جي ڪريڊٽ ريٽنگز ۾ بهتري پاڪستان جي معيشت ۾ استحڪام جي عڪاس آهي. وزيراعظم چيو ته گذريل مالي سال ۾ مٽاسٽا جي ناڻي جي مد ۾ 34.9 ارب ڊالر مليا جيڪي مالي سال 24 – 2023ع جي مقابلي ۾ 28.8 سيڪڙو وڌيڪ آهن. هن چيو ته ٻاهرئين ملڪ پاڪستانين جي لاءِ وڌيڪ سهولتون فراهم ڪيون پيون وڃن، پاڪستان اسٽاڪ ايڪسچينج 100 انڊيڪس 145000 جي حد عبور ڪري تازن ڏينهن ۾ تاريخي ڪارڪردگي ڏيکاري آهي، حڪومت جي معاشي ٽيم جون ڪوششون ساراهه جوڳيون آهن، حڪومت ملڪ مان برآمدات ۾ اضافي، سيڙپڪاري جي فروغ ۽ ڪاروبار دوست ماحول جي فراهمي جي لاءِ ڪوششون ڪري رهي آهي.