اسلام آباد – 6 – آگسٽ (اي پي پي) وزيراعظم محمد شهباز شريف اسٽاڪ ايڪسچينج ۾ 100 انڊيڪس هڪ لک 45 هزار پوائنٽس جي حد عبور ڪرڻ تي اطمينان جو اظهار ڪندي چيو آهي ته اسٽاڪ ايڪسچينج ۾ ڪاروبار ۾ تيزي سيڙپڪارن جي حڪومتي پاليسين تي اعتماد جي عڪاسي آهي. وزيراعظم آفيس جي ميڊيا ونگ پاران جاري بيان موجب وزيراعظم چيو ته ڪاروبار ۽ سيڙپڪاري کي هر ممڪن سهولت فراهم ڪرڻ حڪومت جي اولين ترجيحن ۾ شامل آهي، ايف بي آر ۾ سڌارن سان ٽيڪس نظام ۾ بهتري ۽ ڪاروباري برادري کي سهولت ملي. وزيراعظم چيو ته الحمدالله پاڪستان جو معاشي رخ بهتر ۽ معيشت ترقي طرف گامزن آهي.
